MILESIORUM Murus

MILESIORUM Murus

locus Aegypti, circa ostium Bolbiticum. Strab. l. 17. Psammetichô (primo huius nominis) regnante, quo tempore Cyaxares erat Rex Medorum, Milesii cum triginta navibus in Bolbiticum ostium appulerunt; ibique τὸ Μιλησίων τεῖχος, Milesiorum murum, condiderunt. Postquam Ionibus et Caribus idem Aegypti Rex, sedes dedisset ad Nili latus, prope mare, infra urbem Bubastin. A quo tempore, Aegypti res exploratiores esse Graecis coeperunt, Herodot. l. 2. Naucratin dein, sub Amase, Milesii condiderunt anno 4. Olymp. 6. Vide ubi de hac urbe, ut et voce Psammetichus.